Աշխարհի ամենաբարձրահասակ մարդը

Աշխարհի ամենաբարձրահասակ մարդը ճանաչվել է 27-ամյա թուրք Սուլթան Կոսեն: Նրա հասակը 2մ 47սմ է: «Գինեսի ռեկորդակիրների գրքում» համապատասխան գրությունը կհայտնվի 2010 թ.: Այս մասին հայտնում է «Ասոշիեյթիդ պրեսսը» (Associated Press):

Նախկին ռեկորդակիր ուկարինացի Լեոնիդ Ստադնիկը (2 մ 57 սմ հասակ) կորցրել է իր կոչումը, քանի որ հրաժարվել է մասնակցել կրկնակի չափմանը: Իր չմասնակցությունը նա բացատրել է նրանով, որ արդեն հոգնել է անընդհատ ուշադրության կենտրոնում լինելուց:

«Եթե այդ կոչումն ինձ դարձներ ավելի առողջ կամ բերեր կյանքի լրացուցիչ տարիներ, ես կհամաձայնվեի, բայց հակառակն է տեղի ունենում»,- ասել է նա:

Գործակալության տվյալներով, Ս. Կոսենի հասակը պայմանավորված է հիվանդությամբ, որը հայտնի է գիգանտության հիպոֆիզարիա անվամբ: 2008 թ. նրան վիրահատել են, որից հետո, ինչպես և սպասվում էր, նրա աճը կանգնել է:

Հարցեր, պատասխաններ, մեկնաբանություններ